اجمل ابيات شعر عرفها التاريخ

الشعر بحر لا ساحل له ومن الصعوبة حصر جميع الابيات الجميلة

نحاول نختار في الموضوع هذا بعض الابيات الشعرية

طبعاً اختلاف اذواقنا في الشعر تميز واثراء للموضوع




حنا هل العوجا ولا بـه مـراوات
شرب المصايب مثل شرب الفناجيل



الملك فهد بن عبدالعزيز رحمة الله




يا ما حلا الفنجال مع سيحة البال
في مجلسٍ مافيه نفـسٍ ثقيلـه
هذا ولد عم وهـذا ولـد خـال
وهذا رفيـقٍ مـا نـدور مثيلـه



الشيخ راكان بن حثلين رحمة الله




اضرب على الكايد اذا صرت بحلان
وعند الولي وصل الرشا وانقطاعه



الشيخ عبيد بن رشيد رحمة الله




ياليتنـي بينـك وبيـن المضـره
من غزة الشوكه الى سكرة الموت



الامير سعود بن بندر رحمة الله




كل جرح فات لي منـك هديـه
وش بلاك اتخاف من رد الهدايا



الامير بدر بن عبدالمحسن




ياوجودي كل ماهب نسناس الشمال
وجد من حده زمانه على اللي مايبيه
وجد من قفى وهو في رجا كلمة تعال
والتفت من بعد ما اقفا ولحدٍ لد فيـه



الشاعر ضيدان بن قضعان




لينت لك قلب مـا يلينـه الحديـد
ولديت لك عينٍ لغيرك ما بعد لديتها



الشاعر سلطان الهاجري




ياوجد حالي يابني عم السعد في كل حال
يوم المواتر خيل والموت الحمر تامينها



الشاعر محمد بن الذيب



ماجور ياللـي مـن فراقـك تعلمّـت
ان الزمـن يوميـن طيّب..وخـيّـب
فاجئتنـي بمفارقـك مــا تولـمّـت
كـذا بـدون اسبـاب عنـي تغيّـب
اضحك واسولف وان لحقني سهر نمت
لكـن قسـم بالله مـانـي بطـيّـب



الشاعر محمد بن فطيس



عطيته كل شئٍ كنت أحبـه
وعطاني كل شـئ مايريـده
عساي أنساه كان أني ظلمته
لا راح العمر من يقدر يعيده



الشاعر هلال المطيري



خلوني اسج عن موضوعه احسن لي
ولا الغلا والله ان يبطي وهو غالـي



الشاعر سعد بن جدلان




منجا الشجاع الصيرمي والكريم معـان
وترى العمر رحلة والمخاليق طرقيّـه
وترى ما جزا الاحسان ياكون بالاحسان
ومـا دون ذلـك يقطـع الله طـاريّـه



الشاعر راشد المري



يامن سكنت اجمل زوايا كيانـي
ياما على نفسي عشانك تحاملت
عشان ماضيك الجميل وعشانـي
حاول تشيل من الوفا ربع ماشلت



الشاعر متعب التركي



الجرح ماهو خاطر شوي ويروق
الجرح حتى لو تشافـى يعللـك
واذاك متحمس متاهات وطروق
انا تعبت اشد حيلـي واحاولـك



الشاعر سعد بن علوش



شفت الشجر وشلون صوته مع الريح؟
هـذا حنينـي يطلبـك دوم بسكـات



............


هذا اختياري لبعض الابيات ان شاء الله يعجبكم

وننتظر اختياراتكم لأجمل ابيات الشعر